Премиер лигата во блиска иднина би можела да биде поинаква од оваа на која се навикнавме во претходните три децении. Неколку клубови предводени од Манчестер јунајтед и Ливерпул, покренаа иницијатива за кратење на најсилната англиска лига од 20 на 18 клуба. Овој проект е под работен наслов „Голема слика“.
Според предлогот, во некоја од наредните сезони треба да испаднат четири тима од елитата, а само два да влезат од Чемпионшип во Премиер лига. Третиот, четвртиот и петтиот од Чемпионшип, би играле плејоф со 16-тиот од премиерлигата, што значи дека шестата позиција во втората лига губи на значењето кое го има сега.
Се бара и укинување на Лига купот, дури и суперкупот наречен Комјунити шилд. Со „Големата слика“ се предвидува 14 клуба да одлучуваат за системот за натпреварување, а девет клуба (големата шесторка плус Евертон, Вест Хем и Саутхемптон) како клубови со најдолг стаж во Премиер лигата, да имаат специјален статус и право на вето. Лига купот може и да преживее, но ако го него не играат клубовите кои учествуваат во еврокуповите.
