Томас Тухел за четири месеци ги надмудри Клоп, Гвардиола, Зидан, Мурињо, Симеоне и Анчелоти

Томас Тухел се покажа како вистинско решение за клупата на Челзи. Германскиот стратег дојде на местото на Френк Лампард, а од тогаш Челзи игра како препороден. Тимот се пласираше во финалето на ФА Купот, ќе игра и во финалето на Лигата на шампиони, а од средината на табелата во Премиер лига, сега е на сигурна позиција која води пласман во елитното европско друштво и за следната сезона.

Само во последните четири месеци, Челзи одигра многу тешки натпревари и Тухел успеа на сите да ги надмудри ривалите. Во овој период успеа два пати да го победи Сити на Пеп Гвардиола, два пати да слави против Атлетико Мадрид предводен од Диего Симеоне, а по еднаш ги матираше Ливерпул со Јирген Клоп, Евертон со искусниот Карло Анчелоти, додека во двомечот против Реал Мадрид, одигра реми и победи за да го елиминира големиот Зинедин Зидан.

Вкупно во деветте средби на мечеви против клубови кои имаат докажани тренери, Челзи со Тухел на чело има осум победи и едно реми, а што е уште поважно прими само два гола во тие девет дуели.

Тотенхем – Челзи 0:1 (Премиер лига)

Атлетико Мадрид – Челзи 0:1 (Лига на шампиони)

Ливерпул – Челзи 0:1 (Премиер лига)

Челзи – Атлетико Мадрид 2:0 (Лига шампиони)

Челзи – Манчестер сити 1:0 (ФА Куп полуфинале)

Челзи – Евертон 2:0 (Премиер лига)

Реал Мадрид – Челзи 1:1 (Лига на шампиони)

Челзи – Реал Мадрид 2:0 (Лига на шампиони)

Манчестер сити – Челзи 1:2 (Премиер лига)

 

- Оглас -

Најнови вести