Горан Пандев остана на клупата на дуелот со Емполи на кој Џенова успеа да се спаси од пораз со голот на Бјанки во 89. минута. Гостите поведоа со погодокот од пенал на Кришчито во 13. минута, а потоа Емполи со два гола за 10 минути во второто полувреме направи пресврт и поведе со 2:1.
Сепак за да избегнат пораз гостите се погрижија во финишот на мечот, кога Бјанки израмни на 2:2.
Во Англија се играше премиерниот меч од 11. коло и се беше решено по само 180 секунди игра. Саутемптон со голот на Армстронг во третата минута ја победи Астон Вила со 1:0.
Ова е петти пораз на тимот од Бирмингем во серија, а Саутемптон ја забележа трета победа во Премиерлигата.
Во Германија Мајнц и Борусија Менхенгладбах ремизираа 1:1 во меч со две различни полувремиња. Поведоа гостите со голот на Нојхаус во 36. минута, а израмни Видмер во 76. мкнута.
Изненадување се случи во Шпанија, каде Кадис го победи Атлетик во Билбао со 1:0. Салви Санчес погоди во шесттата минута и потоа немаше ниту еден гол на „Сан Мамеш“.
Во Франција Ленс убедливо со 4:0 ја победи Троа.
