УЕФА одреди парична казна од 500.000 евра за фудбалскиот клуб Барселона за погрешно пријавување на профит во финансискиот извештај за 2022 година.
Оваа казна нема врска со „Случајот Негреира“ и плаќањето на судии, туку казната е одредена од комитетот за економска контрола на УЕФА.
Казната не е висока за клуб како Барса, но и прекршокот кој го направиле не е многу сериозен според правилата на УЕФА. Доколку имало погрешна информација околу суми добиени од трансфери на играчи, приказната би била поинаква и казната би била многу повисока.
Покрај Барса, казни по разни основи добија и други клубови како Антверпен, Трабзонспор, Манчестер јунајтед, Коњаспор, АПОЕЛ, Рига ФЦ, Олимпија Љубљана, Башакшехир и Слован Братислава.
Најлошо минаа Антверпен и Трабзон, кои треба да платат по 2 милиони евра.
