Вака се добива десетка за вежба на партер (Видео)

Гимнастичарката Кејтлин Охаши од познатиот Универзитет во Лос Анџелес, УКЛА, успеа да се најде во центарот на вниманието на спортската јавност иако нејзиниот спорт и не е претерано популарен.

Американката на натпреварувањето на колеџот доби максимална оценка 10-ка за совршената изведба на вежба на партер. Со својот настап, со движењата таа ги воодушеви сите кои ја гледаа, па на социјалните мрежи настапот е гледан од десетици милиони само за пет дена. Така, оваа 21-годишна девојка преку ноќа стана позната.

Охаши е некогашна олимписка надеж на САД, во 2013 година на американскиот куп ја победи Симон Бајлс, која е четирикратна олимписка шампионка. Повредите заедно со физичката и менталната исцрпеност се причините поради кои таа се повлече од главната сцена, па сега само ужива во гимнастиката, што може да се види на настапот.

 

- Оглас -

Најнови вести