Вчерашнот ден ќе биде за памтење во Саутемптон. Светците победија со 2:0 против Њукасл што и не е некое чудо, но тие три бода го однесоа Саутемптон на чело на табелата во Премиер лигата. Ова е за прв пат Саутемптон да преноќи како лидер во елитното англиско првенство, по пауза од 32 години. Последен пат Саутемптон бил лидер па макар и само една ноќ, на 16 септември 1988 година.
STOP THE COUNT pic.twitter.com/rS94knWEhO
— Southampton FC (@SouthamptonFC) November 6, 2020
Речиси никој не можеше да верува дека Саутемптон ќе биде лидер, посебно ако се знае дека тимот ја започна сезоната со два порази. По стартните неуспеси, Саутемптон нареди пет победи и едно реми, па сега со 16 бодови е на челната позиција.
Че Адамс, играчот кој минатата година пристигна во редовите на Саутемптон, тогаш изјави дека Саутемптон има сили да ја освои Премиер лигата. Адамс синоќа даде гол против Њукасл и помогна тимот да го направи најголемиот успех во последните 32 години во првенството.
„Не гледам причина зошто Саутемптон да не може да биде шампион на Англија“, рече тогаш Адамс. Тоа што е уште поинтересно, Саутемптон во преодниот рок пред сезоната речиси и да не потроши пари за нови засилувања, а тимот игра фантастично.
Според стартот, Саутемптон потсетува на легендарната сезона на Лестер, тимот кој во сезоната 2014/15 стигна до шампионската титула.
