Валенсија остана без тренер по отказот за Џенаро Гатузо, а Салвадор Гонзалес Марко, попознат само како Воро, тука е како привремено решение, па се бара нов кормилар што ќе го води гигантот до спас.
Лилјаците играат очајно и веќе се блиску до зоната за испаѓање, само на еден бод, а чаре бараат во Аргентина.
До лани најдолговечниот тренер на ист клуб во аргентинското првенство, Марсело Гаљардо е на цел на шпанскиот клуб, објавија медиумите во Шпанија.
Гаљардо беше тренер на Ривер плејт од 2014 година до 2022 година, а потоа изрази желба да одмори и не го продолжи договорот со аргентинскиот гигант.
Марсело е рекордер на Ривер со 22 титули, комбинирано како играч и тренер на аргентинскиот великан.
Во меѓувреме одби и неколку понуди од Европа за да се пресели на Стариот Континент.
Сега има понуда и од Валенсија, па ќе биде интересно да се види дали ќе го прекине одморот и паузата ќе ја замени со жешка авантура на „Месталја“ во обид да ја стабилизира Валенсија и да ја спаси од испаѓање.
🚨 Un agente contacta con el 'Muñeco' Marcelo Gallardo en nombre del Valenciahttps://t.co/6uk3k3E2gJ vía @plazadeportiva_
— Paco Polit ⚓️ (@pacopolit) February 7, 2023
