Капитенот на Реал Мадрид, Феде Валверде, синоќа одигра фантастичен натпревар против Манчестер сити.
Реал во првиот меч од осминафиналето на Лигата на шампиони на УЕФА победи на свој терен со 3-0, а уругвајскиот универзален играч за врска забележа хет-трик, иако головите не му се примарна специјалност.
По неговата партија следуваа пофалби, а Валверде синоќа стана само 20-тиот играч во историјата чиј натпревар парискиот „Л’Екип“ го оцени со совршена „десетка“!
„Капитенот на Реал одигра перфектен натпревар. Во првото полувреме постигна хет-трик против Манчестер сити. Одигра мајсторска партија вредна 10/10“, пишува влијателниот француски медиум.
„Л’Екип“ само 22-ри пат во својата историја додели совршена „десетка“. Со оглед на тоа што Меси и Халанд ја добиле двапати, значи дека оваа оценка ја заслужиле само 20-мина фудбалери.
Фудбалерите кои добиле оценка 10 од „Л’Екип“:
Франк Сузи, Франција У21 – Грција У21 3:0, 1988
Бруно Мартини, Франција У21 – Грција У21 3:0, 1988
Олег Саленко, Русија – Камерун 6:1, 1994
Ларс Виндфелд, Орхус – Нант 1:0, 1997
Лионел Меси, Барселона – Арсенал 4:1, 2010; Барселона – Леверкузен 7:1, 2012
Роберт Левандовски, Борусија Дортмунд – Реал 4:1, 2013
Карлос Едуардо, Ница – Генган 7:2, 2014
Нејмар, ПСЖ – Дижон 8:0, 2018
Душан Тадиќ, Ајакс – Реал 4:1, 2019
Лукас Моура, Тотенхем – Ајакс 3:2, 2019
Серж Гнабри, Баерн – Тотенхем 7:2, 2019
Килијан Мбапе, Франција – Казахстан 8:0, 2021
Албан Лафонт, Нант – ПСЖ 3:1, 2022
Ерлинг Халанд, Сити – Јунајтед 6:3, 2022; Сити – Лајпциг 7:0, 2023
Доминик Ливаковиќ, Хрватска – Бразил 1:1 (4:2 на пенали), 2022
Адемола Лукман, Аталанта – Леверкузен 3:0, 2024
Донован Леон, Оксер – ПСЖ 0:0, 2024
Дезире Ду, ПСЖ – Интер 5:0, 2025
Жоао Невеш, ПСЖ – Тулуза 6:3, 2025
Феде Валверде, Реал – Сити 3:0, 2026
