Рома приреди спектакл во првото полувреме на „Ренато Дал Ара“, ја победи Болоња со 5:1, а сите голови беа постигнато во првото полувреме.
Имаше уште еден поништен погодок за Волчицата во првиот дел и по уште еден на двете страни во второто полувреме во најефикасниот меч од 11. коло во Серија А.
За само 15 минути Рома на фуриозен начин поведе со 3:0, а се почна со автоголот на Поли во петтата минута. Во интервал од по пет минути потоа погодуваа и Џеко и Пелегрини, па победникот беше познат уште во раната фаза од мечот.
Нов автогол имаше во 24. минута, а го постигна Кристанте за 1:3, што и даде надеж на Болоа за подвиг, но го уништија гостите со уште два гола во првиот дел.
Верету и Мхитаријан беа прецизни за 1:5 по првото полувреме, но и за ккнечен резултат. На Рома и беше поништен уште еден гол во ефикасното полувреме во Болоња, а го постигна Спинацола, но беше во офсајд.
Два гола имаше и во вториот дел, но беа нерегуларни, па мечот заврши со убедлива победа на гостите од Рим.
Прва победа во Серија А откако стадионот во Неапол е преименуван во „Диего Армандо Марадона“ забележа Наполи, а за тоа им требаше пресврт.
Сампдорија најави изнендување во 20. минута со голот на Јанкто, но подвиг на гостите спречија Лозано и Петања со голови во вториот дел.
Во последниот меч што почна во 15 часот Аталанта ја декласираше Фиорентина со 3:0.
