Расистичките навреди упатени кон францускиот репрезентативец Килијан Мбапе за време на Светското првенство беа остро осудени од Жорж Веа, претседател на експертската група во ФИФА задолжена за заштита на правата на фудбалерите.
Напаѓачот на Реал Мадрид беше цел на навредливи коментари од парагвајската сенаторка Селест Амарија, откако неговиот гол од пенал го елиминира Парагвај од Светското првенство 2026 во натпреварот одигран минатата сабота.
„Во фудбалот, како и во општеството, нема место за расизам. Играчите мора да бидат заштитени и да бидат оценувани според своите настапи на теренот, а не според бојата на кожата или потеклото. Ваквите изјави се неприфатливи и мора да бидат осудени без двоумење“, порача Жорж Веа.
Инцидентот предизвика бројни реакции во фудбалската јавност, а ФИФА внимателно го следи случајот, додека расте притисокот за преземање соодветни мерки против говорот на омраза и расизмот во спортот.
