Келн – Борусија Менхенгладбах (Сабота, 15.30 часот)
Борусија има скромен старт во новата сезона, но има многу поквалитетен тим од Келн. Амбициите на гостите повторно е напад на позициите што водат во Европа, а Келн ќе се бори за опстанок.
Тимот од Менхенгладбах ги дoби двата дуели против Келн, лани во Бундеслигата и очекувам повторно да слави.
Можеби мал проблем за Марко Розе ќе биде отсуството на неколку играчи што се стандардни во тимот, но гостите имаат квалитетни замени и очекувам успешно да го прегрмат гостувањето на „Рајн Енерџи“ стадионот во Келн.
Предлог тип: 2 (1.93)
Борусија Дортмунд – Фрајбург (Сабота, 15.30 часот)
Борусија има млад тим и очекувам експресно да ги преболат двата порази по ред, од Аугсбург и од Баерн и да се вратат на победнички колосек. Ми се допаѓа концептот на „милионерите“ со ангажман и форсирање на млади играчи, кои се големи таленти.
Фрајбург тргна одлично во новата сезона во германското првенство, немаат пораз по две кола, но не можат да им се спротивстават на Халанд, Реина, Санчо и останатите супер квалитетни играчи на Борусија.
Предлог тип: 1-1&3+ (2.40)
Ајнтрахт – Хофенхајм (Сабота, 15.30 часот)
Хофенхајм приреди првокласна сензација против Баерн. Не е само победата од 4:1, туку и начинот на кој го декласираа шампионот, кој изгледаше непобедлив во последно време.
Концептот на Хофенхајм се развива во добра насока и имаат добри резултати и во Бундеслигата и во Европа, па повторно ќе бидат учесници и во новата сезона, овојпат во Европа Лигата.
Слични амбиции има и мојот поранешен клуб Ајнтрахт, па денеска во Франкфурт очекувам меч без многу калкулации и со многу голови.
Предлог тип: 4+ (2.25)
Вердер – Арминија Билефелд (Сабота, 15.30 часот)
Вердер ја искористи кризата на Шалке 04 и со победа од 3:1 го „покри“ несупехот во првото коло и поразот од Херта на домашен терен.
На „Везер“ во Бремен секогаш е тешко да се игра, а така ќе биде и денеска и за Арминија. Тимот од Билефелд има одличен кам-бек во Бундеслигата со победа и реми во првите две кола, играат цврсто и примаат малку голови, но денеска ќе ги има најмалку два во нивната мрежа.
Предлог тип: Т1 2+ (2.00)
Штутгарт – Баер Леверкузен (Сабота, 15.30)
Штутгарт игра напаѓачки и е меѓу најефикасните екипи на самиот почеток на новата сезона. Очекувам да продолжат во тој стил. Би било добро кога и Чурлинов би добивал повеќе простор во нападот на Штутгарт, но сезоната е долга па верувам дека ќе има шанса да игра повеќе.
Баер е фаворит, има и подобра екипа и подолг стаж во Бундеслигата, иако и Штутгарт има големо реноме во Германија, но со многу послаби настапи од ривалот во последно време.
Тимот од Леверкузен нема пораз од Штутгарт на последните три меѓусебни дуели и очекувам и денеска да бидат подобри. Типувам дека гостите ќе победат во меч со најмалку три гола.
Предлог тип: 2&3+ (2.50)
