Роман Широков, поранешниот капитен на руската репрезентација и познат играч на Зенит, крвнички го претепа судијата Никита Данченко на аматерски турнир во Москва, што се играше во август годинава, но и покрај сериозниот прекршок доби блага казна од судот.
Ќе мора да одработи 100 часа општествено корисна работа, а успеа да куртули од затворска казна, по големиот инцидент и бруталното тепање на судијата.
Широков, кој има 57 настапи за националната селекција, незадоволен од одлуката на судијата да не досуди пенал, му се нафрли со боксови и клоци.
Here's what former Russia star Roman Shirokov did to a referee in the yesterday's amateur league match after not being awarded a penalty he thought he earned. pic.twitter.com/tkSGHVBNo0
— Artur Petrosyan (@arturpetrosyan) August 11, 2020
Прво го погоди со дирек, а потоа го удираше со нозете, додека Данченко беспомошно лежеше на тревата. Се најавуваше и кривична пријава за Широков, но сепак поранешниот капитен на руската репрезентација се спаси од затвор.
„Бев четири и пол часа во болница. Имам повреда на јаболкницата и неколку конци за да ми ја сошијат раната. Сè што нема да те убие, ќе те направи посилен. Засега сум во ред, но треба да има уште неколку испитувања“, изјави несреќниот судија, веднаш по крвничкиот напад на Широков.
Роман е познато име во рускиот фудбал, со 57 меча за националниот состав, а играше и за руските гиганти ЦСКА, Спартак и Зенти, а има настапи и за Краснодар и за Рубин Казањ.
