„Можеби имало поголеми трансфери по популарност, но не и поскапи – затоа токму овој останува запишан во историјата.“ Ова го изјави Луиш Фиго во интервју за шпанската „Марка“ по повод 25-годишнината од неговиот историски трансфер од Барселона во Реал Мадрид, направен на 17 јули 2000 година.
Тогашната сума од 62 милиони евра што ја плати Kралскиот клуб претставуваше светски рекорд.
Говорејќи за тоа како овој трансфер влијаел врз неговиот живот, Фиго изјави:
„Не го поминувам животот размислувајќи за минатото. Тоа беше дел од мојата професионална историја, дел од сè што направив – ниту добро, ниту лошо, но дефинитивно многу важно за мојата кариера.“
22 years later, A documentary about the most controversial transfer in the history of football, Luis Figo
— Real Madrid Info ³⁶ (@RMadridInfo) August 18, 2022
On Netflix, August 25pic.twitter.com/ysodGn0xjL
Кон крајот на 2000 година, неколку месеци по доаѓањето во Реал Мадрид, Фиго ја освои Златната топка, а подоцна со Кралевите освои две титули во Ла Лига и Лигата на шампионите во 2002 година, оставајќи силен белег во историјата на клубот.
Во интервјуто, Португалецот беше запрашан и дали денес е возможно да се случи трансфер со сличен медиумски ефект како неговиот – на пример: Килијан Мбапе да премине во Барселона или Ламин Јамал да потпише за Реал Мадрид.
„Во животот сè е можно. Сметам дека денес е многу потешко поради високите откупни клаузули – финансиски гледано, тоа претставува огромен товар. Но, тоа не значи дека вакви трансфери не можат да се случат со други играчи кои имаат пониски клаузули и се подостапни“, објасни Фиго.
