Лука Станковски и официјално стана нов член на турскиот прволигаш Газијантеп и потпиша четири и пол годишен договор.
Досегашниот фудбалер на Работнички и еден од најголемите македонски таленти за првпат во кариерата ќе игра за странски клуб. Лани летото беше најавено дека сè е договорено со италијанскиот вторологаш Монца, но сега дојде до пресврт.
Според договорот со Газијантеп, по истекот на четири и пол години, двете страни имаат опција за продолжување на соработката за уште една сезона.
Претседателот на Газијантеп, Џевдет Акинал, не криеше дека е задоволен што Лука стана член на клубот.
„Среќни сме што го ангажиравме Лука. Тој е еден од најголемите таленти во Македонија и мислам дека трансферот е многу добар за Газијантеп. Му посакуваме добредојде и многу успеси на Станковски во нашиот клуб“, истакна Акинал.