Ливерпул загуби во финалето на Лигата на шампиони од Реал Мадрид, а како утешна награда за Тијаго Алкантара е тоа што тој го има постигнато најубавиот погодок за оваа сезона во елитното натпреварување на УЕФА.
Шпанецот во дресот на Ливерпул даде спектакуларен погодок против Порто во групната фаза, кога со шут од далечина, биеше максимално прецизно, иако пред него имаше „шума од нозе“.
Кандидатите за Гол на годината ги одбра Техничкиот панел на УЕФА, а гласаа навивачите. Во Топ 10 има навистина прекрасни погодоци кои вредат да се погледнат уште еднаш.
