Аргентина не беше пријателски настроена кон Мексико во контролката која се одигра во Сан Антонио, Тексас. Гаучосите предводени од Лаутаро Мартинес го растурија шампионот на Северна и Централна Америка со убедливи 4-0, иако Скалони во составот не располагаше со луксузот на Меси, Игуаин, Агуеро, Ди Марија.
Затоа во најдобро можно светло се истакна Лаутаро Мартинес, младиот голгетер на Интер кој учествуваше во сите четири погодоци, а хет-трикот го оствари само за 22 минути во првото полувреме. Шоуто на Лаутаро започна во 17-тата минута, покажувајќи ја снаодливоста пред противничкиот гол. Само пет минути подоцна, Мартинес повторно се радуваше на погодок, додека за 3-0 изнуди пенал кој го реализира Паредес.
Влегувајќи во последните минути од првото полувреме, Мартинес уште еднаш ја надитри одбраната на Мексиканците и ги постави конечните 4-0, така што не мораше да се појави на теренот во второто полувреме.
https://www.youtube.com/watch?v=qXMzSD6zDJo
