Лајпциг и Баерн Минхен ремизираа при конечни 1-1 во дербито на четвртото коло во Бундеслигата. Црвените бикови не дозволија разучарување пред својата публика против актуелниот германски првак, иако уште во воведните минути се најдоа во резултатска негатива.
Фантастичниот Левандовсски ја продолжи голгетерската форма постигнувајќи го седмиот првенствен гол сезонава и тоа уште во третата минута од мечот. Избраниците на Нико Ковач го држеа резултатот во своја корист сè до последните моменти од првиот дел, а домаќините беа наградени со пенал во третата минута од судиското надополнување, кој го реализираше Форсберг.
Иако Баварците во текот на целиот меч доминираа во поседот на топката со 68%, тоа не им го донесе потребниот резултат за да избијат на врвот на табелата. Лајпциг останува лидер по четири кола со 10 бода, Баерн е на третото место со два бода помалку, односно еден помалку од Борусија Дортмунд.
https://www.youtube.com/watch?v=PJK-K5YJx3w
