Капитенот на македонската репрезентација Горан Пандев, во пресрет на важниот дуел против Полска испрати јасна порака преку социјалните мрежи. Тој порача дека за Македонија се игра со срце, а единството во селекцијата ќе биде важен адут за да се оствари позитивен резултат на тешкото гостување во Варшава.
Како лидер на репрезентацијата Пандев го предводеше тренингот, неговото искуство ќе биде исклучително важно за Рисовите и секако цела нација се потпира на неговите квалитети.
