Со клучното положување на Жа Морант, Мемфис гризлис издвои минимална победа против Шарлот хорнетс со конечни 119:117. Бекот на Мемфис во обид да се прослави реши да биде побрз од звукот на сирената, па го искористи последниот напад и против целата противничка екипа успеа да ги реализира решавачките поени.
Тимот на Шарлот е под сопственост на легендарниот Мајкл Џордан, а ноќеска загубија на начин каков што популарниот Ем-Џеј некогаш ги разочаруваше противниците.
Морант на крајот заврши со дабл-дабл од 23 поени и 11 асистенции, неговиот учинок беше доволен за славење иако постигна 10 поени помалку од најефикасниот играч на Шарлот, Тери Розиер (33 поени).
Another angle.
Ja called game. @JaMorant | #GrizzDub pic.twitter.com/b8eCf9uB6t
— Memphis Grizzlies (@memgrizz) November 14, 2019
ЛА лејкерс ја оствари деветтата победа откако избраниците на Френк Вогел лесно го совладаа вицешампионот Голден стејт вориорс со 120:94. Езерџиите им го нанесоа 10-тиот пораз на Воините, а најзаслужен за тоа беше Леброн Џејмс со дабл-дабл од 23 поени и 12 асистенции.
Не се почувствува отсуството на Ентони Дејвис поради што резервните центри Хауард и Мекги одговорија на задачата и комбинираа 33 поени, а голем придонес имаше и Кајл Кузма со 22 поени. Од таборот на поразените, најразигран на паркетот беше Расел со 21 поен.
https://www.youtube.com/watch?v=s8nttF6SU_o
Oстанати резултати од НБА:
Орландо меџик – Филаделфија севентисиксерс 112:97, Бостон селтикс – Вашингтон визардс 140:133, Хјустон рокитс – ЛА клиперс 102:93, Минесота тимбервулвс – Сан Антонио спарс 129:114, Портланд трејлблејзерс – Торонто репторс 106:114.
