Роџер Федерер на 23 ноември ќе одигра демонстративен меч против Александр Зверев во Мексико сити како дел од турнејата низ Средна и Јужна Америка. Еуфоријата околу настанот е невидена. Само за три часа продадени се сите 41 илјада билети за демонстративниот дуел на двајцата топ-тенисери.
Арената на која ќе се игра натпреварот изгледа феноменална и многу необично за тениски прилики. На трибините собира 41.200 луѓе, организаторите велат дека „ќе нема игла каде да падне“.
Освен мечот на Федерер и Зверев, како предигра ќе има и еден меч во двојки на кој Мексиканците Гонзалес и Рејес Варела ќе играат со браќата Брајан од САД. Тие што сакаа во живо да го гледаат првото појавување на Федерер на терен во Мексико, платија билети за кои цените се движеа од најефтините од 23 до најскапите од 466 долари.
