Јувентус киксираше во Торино против Сасуоло играјќи 2:2, резултат кој за многумина беше големо изненадување. Иако делуваше чудно шампионот да не успее да го скрши отпорот на гостите, Сасуоло имаше „тајно оружје“ пред мечот.
Неколку дена пред дуелот, во тренинг-центарот на Сасуоло се појави Масимилијано Алегри. Тоа е стратегот кој во кариерата има работено и во Сасуоло, но и во Јувентус. Алегри од Јувентус создаде тим кој е доминантен во Италија и засега никој уште го нема симнато од тронот.
Сепак, Сасуоло е клуб кој има посебно значење за Алегри. Во Сасуоло работеше додека екипата играше во Серија Ц, а успеа да ги внесе во Серија Б, а потоа направи трансфер во Калјари. Иако помина само една година во Сасуоло, Алегри со задоволство го посетува својот поранешен клуб, а така беше и пред дуелот против Јувентус.
Очигледно дека посетата на Масимилијано била во вистински момент бидејќи Сасуоло успеа да остане непоразен во Торино.
