Фудбалерот за врска на Јувентус, Сами Хедира, стави потпис на нов, тригодишен договор со којшто се обврза за клубот до 2021 година. Германскиот репрезентативец пристигна како слободен фудбалер од редовите на Реал Мадрид во 2015 година, оттогаш настапи на 113 натпревари за „старата дама“ постигнувајќи 20 погодоци, три пати го освои Скудетото, како и три пати Купот на Италија.
„Уште од првиот ден кога пристигнав тука, сите се потрудија да се чувствувам како да сум дома. Горд сум што сум дел од ова црно-бело семејство, се надевам дека во иднина ќе придонесам за нови успеси“, се огласи Хедира преку социјалните мрежи.
