Ракометната репрезентација на Македонија е победник на традиционалниот турнир Трофеј Карпати, откако во финалето ја победивме Романија со 22:20. Иако Романија ја имаше фаворитската улога, подмладената селекција на Македонија покажа дека има квалитет, а селекторот Данило Брестовац сигурно ќе има играчи на кои ќе може да смета и за претстојното Европско првенство во Виена.
По првото полувреме Романија ја имаше контролата на резултатот. Водеше со 5:2 и 6:3, а на полувреме домаќините имаа предност од 12:10. Во вториот дел Македонија демонстрираше одлична игра во одбраната. Избранидите на селекторот Данило Брестовац брзо стигнаа до 14:14, а потоа поведоа и со 16:15.
Македонија водеше со 19:16, но Романија стигна до 20:20. Сепак во завршницата Македонија одигра многу подобро и со серија од 4:0 стигна до победа, што е одлична увертира пред Европското првенство кое стартува за две недели во Виена.
