ЛА лејкерс го доби дербито на ноќта во НБА-лигата против Далас маверикс со 108:95. Како за неделно дерби во кое настапуваа ѕвездите Леброн Џејмс, Ентони Дејвис и Лука Дончиќ на другата страна, во скромно издание се покажаа предводниците на двете екипи.
Езерџиите уште пред полувремето стигнаа до двоцифрена предност, на што Далас не одговори со иста мера, па како пред крајот, Маверикс да се помирија со 11-тиот овосезонски пораз. Дончиќ нè навикна да го гледаме со многу подобар учинок од 19 поени, само четири скока и седум асистенции, а во скромно издание беше и Порзингис со 11 поени.
Дејвис го предводеше најефикасниот состав на Западот со 23 поени и му недостигаше само еден скок за дабл-дабл учинок. Џејмс запиша само 13 поени за речиси 35 минути игра, но имаше и 13 точни додавања.
https://www.youtube.com/watch?v=qZmgG9X92n0
Шампионот Торонто претрпе изненадувачки пораз на домашен терен од Оклахома сити тандер со минимални 98:97. Свое шоу приредија Гилџус-Александер (32) и Крис Пол (25), двајцата комбинираа 57 поени, додека Ол-стар плејмејкерот запиша и 11 асистенции.
Рептилите иако влегоа како фаворити во оваа средба, наидоа на противник по нивна мера кој им го нанесе петтиот пораз сезонава на домашен терен. Ванвлит и Лаури комбинираа по 20 поени, но тоа не беше доволно за Торонто да избегне разочарување промашувајќи два напади до крајот за победа.
https://www.youtube.com/watch?v=MWY797C75Is
Останати резултати од НБА-лигата:
Денвер нагетс – Сакраменто кингс 120:115, Мемфис гризлис – Шарлот хорнетс 117:104, Њу Орлеанс пеликанс – Хјустон рокитс 127:112.
