ЦСКА Москва не игра добро против грчките екипи сезонава во Евролигата и повторно доживеа пораз, вечерва од Панатинаикос со 102:106.
Во драматичен меч што се играше во Калининград, грчкиот состав приреди подвиг и најпрво се избори за продолженија со тројката на Ник Калатес на шестс екунди до крај, а потоа и победија во дополнителното време.
Seconds on the clock, on the brink of a loss! @Nick_Calathes15 DOES IT AGAIN, this time to force OT! #7DAYSMagicMoment pic.twitter.com/PVJkTjNlUS
— Turkish Airlines EuroLeague (@EuroLeague) January 3, 2020
Константинос Митоглу беше најефикасен кај гостинскиот тим со 25 поени, а имаше и одлични 16 скока. Ник Калатес постигна 22 поени и имаше неверијатни 17 асистенции.
Кај домаќините Мајк Џејмс беше прва виолина со 30 поени, а зад него е Даниел Хекет со 24 поени.
Интересно е што Рик Питино сега има биланс од 3:0 против ЦСКА, а рускиот тим сезонава двапати беше поразен дома од грчките екипи. Пред овој пораз и Олимпијакос славеше во октомври во меч игран во Москва со 84:79.
Во вториот меч што се одигра вечерва Анадолу Ефес го победи Химки со 101:82 и повторно е на врвот со 14 победи и три порази.
