Трофејот од шпанскиот Суперкуп не само што им ја крена самодовербата на ѕвездите на Реал Мадрид туку и им ја наполни касата. Реал Мадрид заработи вкупно 12 милиони евра по остварениот успех, но само една третина од сумата ќе влезе во нивниот трезор.
Секој фудбалер поединечно доби по 150.000 евра како бонус по триумфот над градскиот ривал Атлетико во финалето.
Инаку, Кралевите досега сезонава остварија профит од вкупно 47 милиони евра ако се сметаат и овие 12, додека 35 милиони евра се заработка од настапот во Лигата на шампионите.
