ЛА лејкерс успеа да му се реваншира на вечниот ривал Бостон за тешкиот пораз во првата овосезонска пресметка, Езерџиите го одбранија домашниот терен со минимални 114:112. Драматичното дерби на најтрофејните екипи во НБА-лигата се одигра во полн сјај, присутните во „Стејплс центарот“ уживаа во вистински спектакл.
Rondo x AD x #PhantomCam@celtics 91@Lakers 87
Watch the 4th on ABC pic.twitter.com/4WJcTVPTR4
— NBA (@NBA) February 23, 2020
Езерџиите тргнаа офанзивно и со +9 ја добија првата четвртина, но следните 12 минути му припаднаа на Тејтум, кој реализира 18 поени од вкупно 35 на Бостон. Целосен егал се играше цело второ полувреме, ниту една екипа не успеа да поведе со повеќе од 4 поени, што беше јасно дека ќе се гледа неизвесна завршница.
💥 TATUM WITH AUTHORITY! 💥@celtics 69@Lakers 62
25 PTS for the BOS forward on ABC pic.twitter.com/8z4FFUVeJd
— NBA (@NBA) February 23, 2020
Во последните неколку минути судиите го пролонгираа мечот при проверка на неколку спорни ситуации, а една од најнеизвесните беше токму на 37 секунди до крајот. Леброн го утна второто слободно фрлање при 110:109 водство на Бостон, па во скокот за посед се бореа Браун и Дејвис, пред да оди во аут. Останаа Лејкерси во посед, Џејмс го сврте резултатот, а гостите направија кардинална грешка и ја загубија топката на 15 секунди.
Келтите имаа помалку од 10 секунди за напад и да се обидат да изнудат евентуално продолжение преку тројка, но Тејтум утна, но и не ја исфрли топката навреме, а и направи фаул во напад.
LBJ stays with it and goes glass!@celtics 96@Lakers 99
📺: #NBAonABC pic.twitter.com/A2V9h1J37j
— NBA (@NBA) February 23, 2020
Мајсторска партија одигра Џејсон Тејтум, но и со 41 поен не успеа да му помогне на својот тим. За домаќините најефикасен беше Ентони Дејвис со 32 поени и 13 скока, Џејмс застана на 28 поени, а беше близу до трипл-дабл со 9 асистенции и 8 скока.
