Артуро Видал е играчот за кого најмногу се зборува по дуелот меѓу Наполи и Барселона во осминафиналето од Лигата на шампиони. Мечот на „Сан Паоло“ заврши 1:1, а Видал не беше меѓу стрелците. Темпераментниот Чилеанец во финишот на мечот само за неколку секунди успеа да направи два потега за да добие два жолти картони и автоматски да биде исклучен.
Борбениот играч на Барселона најпрво остро го фаулираше Фабио Руиз, а неколку секунди потоа двајцата влегоа и во конфликт. Видал прво доби жолт картон за опасниот фаул, а потоа и јавна опомена за расправијата со Руиз. Тоа значеше дека Видал мораше предвреме да си замине од теренот.
Vidal sent off! Barcelona down to 10! #NapoliBarcelona pic.twitter.com/zMnj9rl8zD
— The Betting Edge (@TBettingEdge) February 25, 2020
Лут на судиските одлуки, но и на публиката која со негодување го испрати играчот на Барселона, Видал реши дополнително да ја вжешти атмосферата. Додека заминуваше кон соблекувалните, тој на навивачите на Наполи им викна: Форца Јувентус, што беше поттик за уште поголеми свирежи и негодувања кон гостинскиот играч.
Видал не случајно го спомна Јувентус, затоа што тој пред да дојде во Барселона, четири сезони има играно за најтрофејниот италијански клуб и многу добро знае колку Старата дама е омразена во Неапол.
I think Vidal just shouted forza Juve to the Napoli supporters…🤣
pic.twitter.com/x8k5z0IXzh— Juvefc Gifs & Videos (@juvefcgifs) February 25, 2020