Легендарниот напаѓач на Ајакс, Милан и на холандската репрезентација, Марко ван Бастен, имаше јасен став околу прашањето за тоа дали Кристијано Роналдо или Лионел Меси е подобар фудбалер. Според еден од најдобрите голгетери во историјата, сите оние кои велат дека Роналдо бил подобар од Аргентинецот, едноставно не се разбирале од фудбалот.
„Кристијано е одличен фудбалер, но оние кои го сметаат дека е подобар од Меси, едноставно не се разбираат од фудбалот. Меси е нешто што многу ретко се гледа. Невозможно е да го имитираш, невозможно е да си како него. Играч како него се раѓа еднаш во 50-100 години. Тој беше генијалец уште како дете“, вели Ван Бастен.
Пред три месеци Меси ја освои рекордната шеста Златна топка, додека Роналдо има пет такви одличја и е веднаш зад Аргентинецот. Ниту еден друг фудбалер во историјата нема освоено повеќе од три Златни топки во историјата.
