Епидемијата на Коронавирусот натера многумина во светот да се повлечат во карантин и изолација чекајќи пандемијата да помине, но има и такви кои не можат да седат и бараат предизвик во време кога просторот за маневар е драстично скратен.
Французинот Елиша Нохомовиц среде пандемија успеа да истрча маратон, и тоа верувале или не, на терасата од својот стан во градот Тулуз. Елиша непрекинато трчал 6 часа и 48 минути и направил 6.000 круга низ својот балкон долг 7 метри.
„Се плашев дека соседите ќе ме пријават бидејќи им тропав врз главите. За среќа, тие ме бодреа“, рече 32-годишниот Нохомовиц, за кого ова било повеќе ментален и комичен, отколку физички предизвик.
Доколку имате голема тераса и добра волја, ете добра идеја како да се остане во форма во овие денови на вонредна состојба.
