Реал Мадрид со сигурност ќе биде без Маријано Дијас во составот за реванш-мечот од осминафиналето во Лигата на шампионите против Манчестер сити. Новиот шпански првак последниот меч од првенството го одигра на 19 јули, кога ремизираше 2:2 на гости кај Леганес, а потоа сите фудбалери добија неколку слободни денови.
Пред враќање на играчите во клубот, на сите им беше направен тест за корона-вирус, а единствено Дијас имал позитивен тест и затоа напаѓачот не беше на денешниот тренинг. Од Кралскиот клуб потврдија дека играчот кој од 2011 година е дел од клубот ќе биде во изолација и дека воопшто нема да биде во составот за дуелот со Сити на 7 август.
Дијас сезонава одигра седум меча за Реал и даде еден гол. Погодокот беше во Ел Класико против Барселона, кога неполна минута откако влезе на теренот, погоди за 2:0 и радост на „Сантијаго Бернабеу“.
🚨Un jugador del @realmadrid ha dado POSITIVO por Covid-19!!
*Está CONFINADO en su casa y por supuesto NO ha entrenado hoy. Se pierde el partido contra el Manchester City
Via Fernando Burgos #Radioestadio pic.twitter.com/7nbk80z4Lf
— Radioestadio (@Radioestadio) July 28, 2020
