Будуќност го претрпе и шестиот пораз во Евролигата, а вечерва во Подгорица Жалгирис ги освои бодовите.
Третата четвртина го одлучи мечот од шестото коло, а го добија гостите од Литванија со 24:15, па потоа умешно ја одржуваа предноста за конечен триумф од 72:60. За нив ова е трета победа, а Будуќност е со катастрофален биланс од 0-6.
За екипата што ја предводи поранешниот македонски селектор Александар Џикиќ само Ален Омиќ постигна двоцифрен број на поени, 16, што беше премалку за прва победа во Евролигата.
Кај Жалгирис, Брендон Дејвис доминираше со 20 поени, а Кавалиаускас постигна 12 поени.
