Типстерските совети за викенд обично ги почнуваме и завршуваме со натпревари од најпознатите пет лиги во Европа. Но, денес мораше да се најде место и за аргентинското дерби, познатото „суперкласико“ кое ќе се игра во рамките на континенталното првенство во Јужна Америка, Либертадорес купот.
Бока јуниорс – Ривер плате (21 часот)
Бока јуниорс во првото финале од двомечот со Ривер плата, ќе биде домаќин на популарната „Ла Бомбоњера“, најавениот спектакл треба да ги достигне, односно да ги оправда сите очекувања. За прв пат во историјата, двата најголеми ривали од Аргентина ќе се сретнат во финале на ова натперварување, па знаејќи колкав е влогот, тешко е да се предвиди кој ќе биде шампион по само еден одигран меч. Бока има предност што игра пред своите фанови, но Ривер најдобро знае како се победува на тло на ривалот.
На последние пет меѓусебни средби во аргентинското првенство, Ривер три пати гостуваше на „Ла Бомбоњера“ и три пати си замина како победник, додека Бока возврати со иста мерка и два пати славеше триумф во „домот“ на Ривер. Головите се очекувани, овие две екипи во тој сегмент речиси никогаш не потфрлуваат, па ќе биде драматично и вечерва.
Предлог тип: 1X & 2+ (2.30)
Борусија Дортмунд – Баерн Минхен (18:30 часот)
Германскиот класик ќе биде најголемото возбудување во Германија денес. Актуелниот шампион гостува кај лидерот во Бундеслигата, па така 11-то коло ќе биде во знакот на „der Klassiker“. Дортмунд ќе сака и по ова дерби да остане непоразен во германскиот шампионат, додека Баерн мисли само на победа и ништо друго, за да остане во тек со трката за титулата.
„Милионерите“ сѐ ги боли поразот од последната меѓусебна средба. Тоа не беше пораз, туку дебакл, Баерн победи со 6-0 на „Алијанц“, а „баварците“ славеа и на последното гостување на „Сигнал Идуна парк“ со 3-1. Токму затоа, Дортмунд ќе сака да се свети за тие понижувања, а сега се во најповолна позиција да го сторат тоа.
Предлог тип: X2 & GG (2.15)
Њукасл – Борнмут (16 часот)
Њукасл и Борнмут денес по петти пат ќе се пресметаат во рамки од Премиер лигата. Избраниците на Еди Хау по убаво ги паметат двете гостувања на „Сент Џејмс“, со победи од 3-1 и 1-0, па и денес ќе сакаат со позитивен исход да го напуштат „домот“ на „страчките“. Тимот кој ко предводи Рафа Бенитез, дури по 11 средби конечно оствари победа. Во претходното коло со минимални 1-0 го совладаа Вотфорд, така што немаат намера да застанат на само таа, една победа.
Предлог тип: 1-3I & 1-3II (2.05)
Џенова – Наполи (20:30 часот)
Тежок распоред за Џенова. По поразите од Милан и Интер, денес на гости им доаѓа Наполи, екипа против која немаат остварено победа уште од јануари 2012 година. Од тогаш, Наполи издвојуваше триумф на осум од последните 12 средби. Оваа статистика никако не му одговара на тимот за кој игра и нашиот Горан Пандев, но и на таа традиција мора да ѝ дојде крајот.
Предлог тип: 1+I & 2+II (2.55)
Гингамп – Лион (17 часот)
Лион се врати на прав пат по дебаклот од ПСЖ со 5-0, па во следните три меча освои седум бода од можни девет. Денес ќе можат да ја продолжат серијата, бидејќи играат против последно пласираната екипа во Лига 1, Гингамп. На домаќините не им се пишува добро, со седум порази и само еден триумф од 12 меча е недоволно да се остане во елитата, иако е рано за такви предвидувања. „Лавовите“ треба да имаат лесна задача, доколку сакаат да останат при врвот на табелата и да продолжат со борбата за местата кои водат во Лигата на шампионите.
Предог тип: 2 & T2 2+ (2.15)
