Лионел Меси и Кристијано Роналдо доминираа во изминативе 10 години и постојано еден од нив двајца беше освојувач на „Златната топка“. Сепак, како што стојат работите, оваа година, ќе се стави крај на таа доминација на Меси и Роналдо.
Француските медиуми откриваат дека по повеќе од 50 отсто од пребројаните гласови, двајцата фудбалери кои го одбележаа светскиот фудбал во овие години, сега ги нема ниту во Топ 3, во изборот за „Златна топка“, која традиционално ја доделува „Франс Фудбал“.
Според новинарот Ерик Мамрух, ова ќе биде историска година, во која ќе се каже „крај“ за Меси и Роналдо. Тој објавува дека досега се пребројани нешто повеќе од 50 отсто од гласовите, а во водство е Лука Модриќ. Зад капитенот на хрватската репрезентација се двајца Французи. Рафаел Варан и Килијан Мбапе се зад Модриќ.
EXCLUSIF #BallondOr : Après dépouillement de la moitié des votes, le trio de tête est le suivant: 1) Modric 2) @raphaelvarane 3) @KMbappe . Info @xbarretfoot @RFIRadioFoot @RFIsports
— Eric Mamruth (@MamruthRFI) November 9, 2018
