Шпанскиот репрезентативен напаѓач Родриго Морено наскоро би можело да стане член на новиот англиски премиерлигаш Лидс, за кого настапува македонскиот лев бек Езџан Алиоски. Родриго пред неколку месеци беше на прагот да потпише за Барселона, но изгледа по Валенсија, која се распаѓа, негова следна дестинација ќе биде Лидс.
Родриго изминатава сезона даде 7 гола на 34 меча, но летово се мачеше и со повреда на коленото. Лидс во првото коло на 12-ти септември гостува кај првакот Ливерпул и играч како Родриго во нападот, добро би им дошол за претстојната сезона во која јоркширскиот тим по 16 години повторно ќе биде дел од англиската елита.
