Дилијан Вајт опасно настрада по тешкиот нокаут што го доживеа ноќеска од Александер Поветкин, но сепак побара реванш, иако не можеше да говори по бокс-мечот во тешка категорија.
Поветкин со страшен аперкат го испрати во царството на соништата големиот фаворит и славеше голема победа против Вајт.
Wow beautiful slip and uppercut. Povetkin was down bad on scorecards and was knocked down twice. Then came this KO. pic.twitter.com/yYfZlFJOob
— Boxing And Basketball (@boxingandbball) August 22, 2020
Британецот опасно настрада, па мораа со кислород да го освежат за да се разбуди. Откако се освести не можеше да говори, ја прескокна вообичаената прес-конференција, но и си побара реванш против 40-годишниот руски боксер, што му следува според договорот.
Тоа место Вајт го соопшти промоторот на бокс- мечот Еди Херн, а истакна дека неговиот штитеник сака брз реванш до декември годинава.
„Искрено не можев да верувам каков страшен шок доживеа Дилијан. Аперкатот на Поветкин беше неверојатно прецизен и силен. Вајт е во шок, но сепак има право на реванш и сигурно ќе организираме римеч. Верува во себе, ја имаше победата на мечот, но ова е тешка категорија, каде и еден удар може да реши се“, изјави Херн, кој го организираше мечот во својот двор.
