Тотенхем со високи 7-2 го надигра Макаби од Хаифа и се пласираше во групите од Лигата на Европа. Кејн со хет-трик, двата гола на Ло Селсо и по еден на Лукас и Али беа и повеќе од доволни за Петлите да го осигурат учеството во второто по ранг клупско натпреварување на УЕФА.
Голем шок претрпе Спортинг Лисабон на домашен терен, загуби со 1-4 против ЛАСК. Со играч помалку тимот на Аморим се распадна во второто полувреме и остана без пласман во Лигата на Европа.
Изненадување приреди и АЕК против Волфсбруг, откако со пресврт од 2-1 го обезбеди учеството во ЛЕ. Волците имаа гол предност по првиот дел, Симоес на половина час до крајот израмни на 1-1, а во последните мигови од судиското надополнување АЕК поведе со 2-1 преку Ансарифард.
Останати резултати:
Ренџерс 2-1 Галатасарај
Базел 1-2 ЦСКА Софија
Дундалк 3-1 Клаксвик
Јанг бојс 3-0 Тирана
