Јувентус очекувано ќе биде без Кристијано Роналдо на гостувањето во Киев против Динамо, во првиот меч од Лигата на шампионите. Роналдо уште е во изолација откако веќе неколку дена е заразен со корона-вирусот.
Тренерот Андреа Пирло во составот има само двајца класични напаѓачи, и тоа Алваро Мората и Пауло Дибала. И покрај тоа што има само двајца голгетери во составот, Јувентус треба без многу проблеми да слави во Киев.
⭐️ # ! #DynamoJuve #ForzaJuve #UCL pic.twitter.com/fyH2SBs28X
— JuventusFC (@juventusfcen) October 19, 2020
Со гостување во ЛШ ќе започне и Манчестер јунајтед. Црвените ѓаволи ќе имаат многу поголем предизвик затоа што играат во Париз против Пари Сен Жермен. Интересно е што на списокот на Оле Гунар Солскјер ги нема Единсон Кавани и капитенот Хари Мегваер.
Кавани е новото засилување на Манчестер кој пристигна како слободен играч на „Олд Трафорд“ и очекуваше да дебитира токму против својот неодамнешен клуб. Англискиот гигант во Париз патува со оптимизам откако вчера со 4:1 славеше на гости кај Њукасл, но, сепак, Пари Сен Жермен е фаворит за победа.