Далас славеше со 112:102 во дербито против Милвоки бакс, најефикасниот тим од минатата сезона, во вториот ден од претсезоната во НБА лигата.
Двајцата најдобри кошаркари од Стариот Континент, Лука Дончиќ и Јанис Адетокумбо, ги одмерија силите по четири месеци пауза, а Лука беше тој кој се радуваше на победа. Првата ѕвезда на Далас на паркетот се задржа околу 16 минути во кои забележа 13 поени и 4 асистенции, додека најкорискиот играч од минатата сезона во речиси 25 минути оствари дабл-дабл учинок од 25 поени и 10 скока.
Luka (13 PTS), Giannis (25 PTS) duel in their first #NBAPreseason action! pic.twitter.com/Id9u7gza7J
— NBA (@NBA) December 13, 2020
Во текот на ноќта се одиграа уште шест меча:
Шарлот 100:111 Торонто, Кливленд 107:104 Индијана, Сан Антонио 108:121 Оклахома, Минесота 105:107 Мемфис, Голден стејт 107:105 Денвер, Јута 119:105 Феникс.
