Уште една недела останува до стартот на Светското ракометно првенство во Египет, а веќе се појавуваат непланирани проблеми. Данскиот ракометар Микел Хансен, кој е и еден од најдобрите на денешницата, се закани дека нема да биде дел од Мундијалот затоа што е дозволено на трибините да има навивачи.
Според одлуката на организаторот, сите ракометари ќе бидат во „балон“ и нема да смеат да се мешаат со други луѓе, но сепак опасноста од корона-вирусот е присутна затоа што се дозволи на трибините да има и до 5.000 навивачи.
„Треба ли да се игра првенството? Не смее да има навивачи на трибините. Нека ми објаснат во што е поентата ние ракометарите да бидеме изолирани во хотел, да патуваме со посебни автобуси и да имаме постојано маска на лицето, кога потоа треба да излеземе на терен, а на трибините да има илјадници навивачи. Ризокот е огромен. Добро ќе размислам дали ќе патувам на Светското првенство“, рече Хансен.
Mikkel Hansen overvejer VM-afbud: »Noget tyder på, at man tænker mere på økonomi frem for spillernes helbred« https://t.co/gSReyDCvAc pic.twitter.com/eQPmDYLTZy
— JP Sport (@sportenJP) January 4, 2021
Данска е во група со Аргентина, Бахреин и Конго, а на турнирот ќе биде во улога на бранител на светскиот ракометен трон.
