Шампионот се буди од зимскиот сон, Голден стејт стави крај на серијата од четири порази со победа над Портланд при конечни 125:97. Без првата ѕвезда Стеф Кари, „воините“ ги предводеа Дурант со 32 и Томпсон со 31 поени. Ниту расположените Лилард (23 поени) и Нуркиќ (22) не беа доволни за Портланд да го избегне седмиот овосезонски пораз, веќе втор последователен.
ЛА Лејкерс конечно фати ритам сезонава, „езерџиите“ имаат седум победи во последните осум средби. Ноќеска настрада тимот на Јута џез со 90:83. Инграм со 24 поени и шест скока беше најефикасниот кошаркар од редовите на Лејкерс, Џејмс постигна два помалку, но заврши со дабл дабл учинок додавајќи и 10 скока.
Каваи Ленард со 27 поени и 10 скока беше најголемиот „виновник“ за новото славје на Торонто, а настрада тимот на Вашингтон со конечни 125:107. Репторси се зацврстија на врвот на Истокот со 16-тата победа сезона, четврта на последните пет средби.
Изненадувањата се случија во Филаделфија и Милвоки. Кливленд кавалирс го зеде скалпот на Севентисиксерс со 121:112. За само трета победа во 17 меча, „коњаницата“ славеше благодарение на расположениот Родни Худ, кој реализираше 25 поени. Ембид(24 поени, 12 скока) и Симонс (22 поени, 10 асистенции) имаа дабл дабл, но и тоа беше премалку да се избегне шокот доживеан пред своја публика.
Феникс им го нанесе петтиот пораз на Милвоки при конечни 116:114. Крофорд ја украде победата од „елените“ погодувајќи го шутот за победа пред последниот звук на сирената.
Резултати НБА:
Детроит пистонс – Хјустон рокитс 116:111
Атланта хокс – Бостон селтикс 96:114
Њујорк никс – Њу Орлеанс пеликанс 114:109
Филаделфија севентисиксрс – Кливленд кавалирс 112:121
Торонто репторс – Вашингтон визардс 125:107
Чикаго булс – Мајами хит 96:103
Индијана пејсерс – Сан Антонио спарс 100:111
Оклахома сити тандерс – Шарлот хорнетс 109:104
Милвоки бакс – Феникс санс 114:116
Денвер нагетс – Орландо меџик 112:87
Голден стејт вориос – Портланд трејлблејзерс 125:97
ЛА Лејкерс – Јута џез 90:83
Бруклин нетс – Минесота тимбервулвс 102:112
ЛА Клиперс – Мемфис гризлис 112:107
