Во досегашните 19 меча кои сезонава ги одигра Манчестер јунајтед, гигантот од „Олд Трафорд“ само на 27 отсто од мечевите бил во преност. Тоа е неверојатно малку ако се знае дека Црвените ѓаволи досега освоија 40 бодови и имаат само еден бод помалку од лидерот Манчестер сити.
Колку за споредба, Сити сезонава во 55 отсто од натпреварите бил во предност, што е безмалку двојно повеќе време од тоа што го има Јунајтед како водство со ривалите. Зад Сити на ова рангирање е Тотенхем, кој во 53 отсто од мечевите бил во водство, но токму Тотенхем е екипата која загуби најмногу бодови по нивно водство. Лондончани досега има освоено 33 поени.
Освен Сити и Тотенхем, ниту еден друг клуб нема ни 40 отсто од времето да биде во водство. Саутхемптон е трет на листата со 37 отсто од времето поминато на теренот да има водство, а потоа следуваат Астон вила (31 отсто), Евертон, Лестер и Ливерпул со по 30 отсто и Арсенал со 29 отсто време на теренот во кое имале позитивен резултат.
Манчестер јунајтед со 27 отсто е на делба на позицијата со Кристал палас и Челзи. Фактот дека Манчестер освои 40 бода, а Кристал палас само 23 бода доволно зборува за карактерот на Црвените ѓаволи и нивниот квалитет да се вратат од негатива и во второто полувреме да стигнат до посакуваниот резултат.
27% – Manchester United have spent 27% of Premier League games in the lead this season so far; the same as Crystal Palace (27%) & lower than nine other clubs. Comebacks.
Can Manchester United win their first Premier League title in eight years? We assess their credentials. #MUFC
— OptaJoe (@OptaJoe) January 27, 2021