ЛА лејкерс вчера го претрпе осмиот овосезонски пораз откако Орландо меџик триумфираше со 108:104 во „Стејплс центарот“. Гостите пријатно изненадија, особено црногосркиот центар Никола Вучевиќ, кој со 31 поен и 15 скока го украде шоуто.
Леброн Џејмс беше во непрепознатливо светло. Ѕвездата на „езерџиите“ се мачеше речиси во текот на целата средба, а во третата четвртина сосема потфрли. Џејмс не постигна ниту еден кош од игра, само едно слободно фрлање, а токму во тој период Орландо направи убедлива разлика. Иако Лејкерси успеаја да се вратат резултатски, не погодија клучен напад во последната минута, па Орландо даде два брзи коша и по втор патне им остави простор да домаќините да бркаат израмнување или евентуална победа.
Покрај Вучевиќ (31 поени, 15 скока), расположени беа Гордон и Рос со по 17, односно 16 поени. Кај поразените, Леброн даде 24 поени и седум скока, а Кузма постигна три поени помалку.
https://www.youtube.com/watch?v=jDNH2-P4PVg
Торонто влегува во сериозна серија од пет победи во низа, ноќеска настрада тимот на Мајами хит со 125:115. Канадската франшиза повторно ја предводеше Каваи Ленард, додека ветеранот Двејн Вејд потсети на неговите најдобри денови.
Крилото на Торонто заврши со 29 поени и 10 скока, а Сиакам придонесе за победата со 21 поен. Вејд постигна импресивни 35 поени, меѓутоа не можеше сам да спречи нов пораз на поранешниот шампион на НБА.
Резултати НБА:
ЛА лејкерс – Орландо меџик 104:108
Детроит пистонс – Феникс санс 118:107
Атланта хокс – Шарлот хорнетс 124:123
Бруклин нетс – Филаделфија севентисиксерс 125:127
Мемфис гризлис – Њујорк никс 98:103
Торонто репторс – Мајами хит 125:115
Сакраменто кингс – Јута џез 112:133
Портланд трејлблејзерс – ЛА клиперс 100:104
