Македонската кошаркарска репрезентација нема никакви пречки, барем што се однесува до корона-вирусот, за поход кон Европското првенство кое ќе се игра во 2022 година. По пристигнувањето во Перм и направените тестови, нема ниту еден позитивен на корона-вирусот во македонскиот состав.
Избраниците на селекторот Александар Тодоров утрово веќе го одработија и првиот тренинг во Перм, и тоа во комплетен состав. Вчера пред тргнување во репрезентацијата се приклучија и Стојан Ѓуроски и Ненад Димитријевиќ.
Македонската репрезентација има два порази во два меча во досегашниот дел од квалификациите и моментно е на последното, четврто место во групата. Лидерот Италија, која има перфектни три победи од три меча е нашиот прв ривал во Перм, а дуелот се игра в четврток, од 15:30 часот.
Во нашата група тука се уште и Русија и Естонија, селекции од кои веќе еднаш бевме поразени.
