Асвел направи изненадување во 26-тото коло од Евролигата со триумфот на гостувањето кај лидерот Барселона при конечни 76:69.
Францускиот состав ја оствари шестата победа во низа и сега стигна до учинок 12-14 со тоа што еден пораз го претрпе по продолженија. Асвел воедно стигна до двојна победа над Барселона откако славеше со 80:68 во првиот овосезонски дуел.
Во исклучително неизвесниот дуел во „Палау Блауграна“, Каталонците се мачеа да воспостават контрола врз резултатот, па така во последните 10 минути се влезе со егал резултат од 54:54. Асвел речиси цела последна четвртина беше во предност, имаше и највисоки +8, но на крајот се тресеше за победата.
Норис Кол со 21 поен ги предводеше Французите, додека малку беа 22 поени за Барселона постигнати од Дејвис.
Претходно Алба Берлин славеше со 74:65 против Панатинаикос.
