Лионел Меси повторно ја имаше магијата и во Ајндховен, постигна гол и асистираше за вториот во победата на Барселона од 2:1 против ПСВ и има уште еден рекорд во својата колекција.
Со 66 голови на исто толку натпревари аргентинскиот ас е најдобар стрелец во натпреварите во групната фаза во историјата на Лигата на шампионите, како дополнување на многу рекорди кои ги има во својата колекција.
Меси во 61-вата минута се поигра со одбраната на ПСВ Ајндховен и на чудесен начин погоди за предност на Барселона, за задржување на импресивниот ефект од еден гол по натпревар во фазата по групи во Лигата на шампионите. Ѓаволска партија на асот на Барселона и биланс од 66 голови на 66 натпревари кои ги играл за Каталонците во фазата по групи во луксузното натпреварување.
