Цели 12 клуба постигнале договор за создавање на фудбалска Суперлига, објавуваат многу влијателни спортски медиуми од цела Европа. После неколку месеци тајни преговори, договорот е постигнат, и се најавува дека можеби ќе биде претставен уште утре.
Во таа нова Суперлига би играле шест тима од Англија: Ливерпул, Манчестер јунајтед, Манчестер сити (уште немаат потпишано), Тотенхем, Челзи и Арсенал, по три претставници би имале Шанија (Реал Мадрид, Барселона и Атлетико Мадрид) и Италија (Милан, Интер и Јувентус).
Утре УЕФА требаше да ги обелодени новините околу промените во Лигата на шампиони кои би стртува во 2024 година, но најбогатите клубови ќе контрираат, и планираат формирање на своја затворена елитна лига, по примерот на кошаркарската Евролига.
Се воделе преговори и со други големи клубови, но Баерн Минхен и Борусија Дортмунд откажале да се обврзат дека уште во оваа етапа ќе им свртат грб на Бундеслигата и ЛШ. И француски ПСЖ го нема меѓу клубовите основачи, бидејќи нивниот претседател Насер Ал-Келаифи е член на бордот на УЕФА, а истотака е и шеф на телевизиската корпорација која дава милиони евра во УЕФА за телевизиски права.
Во УЕФА размислуваат да воведат санкции против клубовите основачи, има предлог дури и да им се стави забрана за учество во ЛШ за следната сезона и исфрлање од домашните првенства. Од УЕФА се закануваат со тужба и ќе бараат 50-60 милијарди евра. Против идејата за Суперлига се и лигите, па времето ќе покаже што ќе се случи.
Во Суперлигата би требало да има 16 постојани клубови, и уште четири кои би избориле пласман преку националните првенства. Би имало две групи по 10 тима, а во четвртфинале би оделе четирите најдобри од секоја група.
