Македонските навивачи, без сомнение, се најголемата атракција на Европското првенство, а секој кој во живо може да ја проследи атмосферата на фалангата е пријатно изненаден.
Веќе трет ден во центарот на Букурешт ечи македонска музика, а навивачите без застанување се забавуваат. Алкохолот помага да се заборави вчерашниот пораз од Австрија, со кој Рисовите дебитираа на континенталниот турнир, но и во мислите на навивачите веќе се очекува дуелот против Украина.