Строгите протоколи за ковид-19 најмногу ги оштетија навивачите на Македонија и на Хрватска на дуелите во последното трето коло во првата фаза по групи на Европското првенство.
На навивачите од Македонија не им беше дозволено вчера да дојдат на „Јохан Кројф арената“ и да ѝ дадат поддршка на својата репрезентација, па на трибините имаше само нашинци од околните европски земји и тие што живеат во Холандија.
Денеска и хрватските навивачи ја доживеаја истата судбина, па на „Хемпден парк“ вечерва против Шкотска, Модриќ и соиграчите ги бодрат само околу 500 симпатизери.
🏴Some Scotland and Croatia fans enjoying a kick around in a busy George Square ahead of tonight’s #EURO2020 match.#CROSCO @LBCNews pic.twitter.com/a5gt78doEC
— Alan Zycinski (@AlanJZycinski) June 22, 2021
Тоа е најмала бројка на хрватски навивачи на официјален меч на големите натпреварувања, односно на Европските и Светските првенства, па Шкотите доминираат во Глазгов на мечот што веќе почна, а се игра од 21 часот.
