Тренерот на Рома, харизматичниот португалски стручњак Жозе Мурињо, даде свои прогнози околу тоа кои репрезентации ќе одат во полуфиналето на Европското првенство. Едната прогноза му е дадена „под принуда“.
„Англија веројатно ќе оди во полуфинале, а би кажал и дека Данска ќе ја совлада Чешка. Белгија – Италија? Тоа е голем проблем, ако не кажам Италија, ќе ме убијат кога ќе стигнам во Рим, затоа мора да кажам дека ќе победи Италија. Мислам дека Шпанија ќе ја совлада Швајцарија, нема да игра Џака, но и тоа ќе биде голем натпревар“, изјави Мурињо, кој денеска треба да слета во Вечниот Град и ќе ја почне својата авантура во Рома.
